Потполно ве разбирам, и мене ми е вкусно да јадам пица, бургер, пилешки прсти, но тоа не само што влијае на целокупниот изглед, на зголемување на телесната тежина, туку и предвреме ја старее кожата и не ја храни со потребните витамини и минерали. Најдобро е да одржуваме некој баланс, да не си ги скратиме сите слатки задоволства, но во текот на денот да изедеме барем 3 овошја или зеленчуци. Сите ние се стремиме да имаме млада, здрава кожа. За жал, стареењето на кожата е природен дел од процесот на стареење кој не можеме да го спречиме, но можеме да го ублажиме. Она што можеме да го направиме е да ги смениме нашите избори за здравјето и начинот на живеење за да го спречиме предвременото стареење на кожата
Процесот на природно стареење е предизвикан од промените во нашите гени или медицински срочено: внатрешно стареење. Слично како и остатокот од нашето тело, нашата кожа ќе помине низ природно абење како што поминуваат годините.
Како што старееме, ќе почнеме да ги забележуваме видливите линии на лицето, кожата ќе ја изгуби својата еластичност и ќе станува се потенка.
Кожата е создадена од колаген и еластин, протеинска матрица која е одговорна за кршење и истегнување на кожата кога се протега. Овие протеини ја одржуваат кожата цврста и како што старееш, мрежата на влакна ослабува заедно со нејзината структура на поддршка, што резултира со омекнување на кожата. Кожата, исто така, губи маснотии и се истенчува како што старееш. Генетскиот код игра значајна улога во стареењето на кожата од овие причини некои луѓе изгледаат како да имаат 20 години, а реално имаат плус 10 и обратно.
Причини за стареење
Вашиот начин на живот и животната средина, исто така, може да предизвикаат вашата кожа да старее предвреме или побрзо од нормалното во процесот наречен надворешно стареење. Подолу се наведени неколку фактори кои придонесуваат за оштетување на кожата
Изложување на сонце
Изложувањето на сонцето предизвикува оштетување на кожата, дури и кога е соодветно заштитена. Ултравиолетовите (УВ) зраци од сонцето влијаат на еластичните влакна на кожата и предизвикуваат појава на брчки. Освен тоа, сончевите зраци предизвикуваат старечки дамки да се појават на вашите раце, лице и други поизложени области.
Пушењето
Брчките се појавуваат многу порано кај луѓето кои пушат поради намален проток на крв во лицето и оштетување на кожата предизвикана од токсични хемикалии. Тие, исто така, имаат тенденција за многу темни и големи подочници, што дополнително предизвикува брчки. Терминот лицето на пушач доаѓа од ќесите околу нивните очи и се спушта околу кожата околу очните капаци, често се гледа кај пушачи кои се подложни на долготрајно пушење.
Лоша исхрана
Она што го ставате во вашето тело ќе се одрази на вашата кожа. Доколку го дополнувате вашиот организам, вашето тело со здрава храна, вашата кожа ќе ги искористи придобивките од тоа да изгледа поздраво и потхрането. Од друга страна, ако вашата исхрана се состои од брза храна, тогаш тоа „ѓубре” е она што ќе ја храни кожата. Според д-р Тимоти Харлан, доцент по медицина на Факултетот за медицина на Универзитетот Тулан, храната со слаб квалитет, како транс масти, предизвикува воспаление – а стареењето е во основа хронична воспалителна состојба. Доколку не консумирате редовно здрави работи, нема да можете да создавате здрави нови клетки на кожата на начин што треба да го направите.
Сега, кога знаеме што се случува со нашата кожа како што старееме и кои фактори влијаат на предвремено стареење на кожата, ќе ви понудиме во следниот текст 8 навики кои треба да ги смените за да го спречите предвременото стареење на кожата и да уживате во најубавите години.
