Рацете често се изложени на директна сончева светлина, температурни промени, опасни хемикалии и силни средства за нега . Со оглед на фактот дека рацете се едни од највидливи делови на телото, потребно е да им се обезбеди адекватна нега. Ви откривам неколку едноставни совети за мазни и нежни раце.
Лак за нокти
Постојаната употреба на лак за нокти резултира со жолти нокти. Избегнувајте користење на лак колку што е можно повеќе. Чистите, здрави, исполирани и сјајни нокти се многу поубава глетка .
Рапави раце
Грубите раце можете да ги разубавите со примена на едноставен третман: Земете една лажица шеќер и една лажица било кое масло или лимонов сок. Измешајте добро и истријте ги рацете околу 15 минути.
Ракавици
Кога ги изложувате вашите раце на штетните хемикалии за чистење секогаш носете ракавици. Во зима задолжително носете ракавици за да се заштитите од ветерот и ниските температури.
Сончева светлина
Честото изложување на сонце доведува до изгореници. Заштитете ги рацете со крема за сонце секогаш кога одите надвор. Природната боја на кожата можете да ја вратите со употреба на сок од домати или лимонов сок.
Меки раце
Медот е извонредна природна крема и често се употребува во козметичките производи за мазна кожа. Две лажици мед измешајте ги со еднакво количество на путер. Нанесете ја оваа смеса на рацете, оставете да одстои околу 15 минути па измијте ги.
Купка со масло
Ако имате груби и суви раце ќе ги омекнете со помош на купката со масло. Загрејте маслиново масло и оставете го во сад. Потопете ги рацете во овој сад и држете ги во него 10 минути, а потоа убаво измијте ги.
