Еве една убава убава диета за љубители на масното и сите оние кои со денови ги гризе совест по изедените 200 гр. Чварки или исто толку сланина. Добра вест е што можат слободно да јадат масти и со тоа да слабеат. Лоши вести : нема брцнување леб во сокот од печеното или ситните чварки, бидејќи во оваа диета нема леб (како ни други производи богати со јаглехидрати).
ЛЦХФ диетата подразбира внесување на значително помали количини јаглехидрати и зголемен внес на масти кои кај оваа диета претставуваат главно гориво за организмот. Еткинсоновата диета исто така, заговара намален внес на јаглехидрати, но на сметка на протеини како и масти, што на некој начин ги прави слични овие две диети.
Да ги погледнеме маснотиите…
Последните години имаше доста расправи околу мастите, дали се до толку штетни колку што се говори или се „колатерална штета“ на погрешни заклучоци на истражувачи на полето на исхрана во изминатите 30-тина години. Од се повеќе студии произлегува дека некогашните авторитети за исхрана малку се излажале и повеќе од три децении давале погрешни препораки кои се однесуваат на избегнување на одредени видови масти. Официјалните препораки кои и денес важат се : избегнувајте заситени масти (масти главно од животинско потекло) и користете ги оние незаситени (различни масла, маргарини, како и растителни масла). Новите, неофицијални препораки гласат : јадете многу заситени масти, ништо страшно нема да ви се случи, но избегнувајте масла, хидрогенизирани масти, како и јаглехидрати. Инаку, се повеќе се потврдува дека ЛХЦФ диетата највеќе делува во намалување на телесната тежина и во борба против покачениот шеќер.
Како изгледа ЛЦХФ диетата?
Едноставно кажано, јадете месо, риба, зеленило кое расте над земјата и природни масти, на пример путер, а избегнувајте шеќер, леб, тесто, ориз, компир…
Јадете кога сте гладни, до заситување, а потоа застанете. Едноставно, нели? Не треба да ги сметате калориите, ниту да мерите колку сте јаделе. Заборавете готови и полуготови јадења, како и лесна и диетална храна и пијалок. Механизмот по кој работи оваа диета е едноставен : кога ќе се избегне шеќерот и ќе се намали внесот на јаглехидрати, тогаш се стабилизира нивото на шеќерот и опаѓа нивото на инсулин. Се зголемува искористеноста на мастите и човекот се чувствува позаситен, а килограмите се губат…
Совети за исхрана
Јадете без двоумење до заситување :
-Сите видови на месо – говедско, свинско, пилешко, диво месо. Помасното месо епокорисно, а исто така и пилешката кожа. Ако е можно, изберете еколошки произведено месо, стока и добиток кои паселе ;
-Риба и ракови, сите видови, особено помасните ;
-Јајца на сите начини, варени, пржени, како омлет…;
– Природни масти, сосеви, но користете путер и павлака при подготовка, бидејќи храната ќе биде повкусна и позаситена. Исто така, препорачуваме кокосово, маслиново и масло од репа ;
-Зеленило на земјата, сите видови зелка (карфиол, брокули, бриселско зеље), потоа аспарагус, тиквички, модар патлиџан, маслинки, спанаќ, печурки, краставици, салата, авокадо, лук, пиперка, домати…;
-Млечни производи – секогаш одбирајте го најмасното, вистински путер, павлака со 40% масленост, кајмак, масни сирења, масни грчко/турски јогурти (10 %). Млекото и масните производите од млекото содржат многу шеќер. Избегнувајте шеќери, додавање на било какви адитиви за вкус како и посни јогурти ;
-Костеникаво овошје во неограничени количини ;
-Бобинки во неограничени количини, особено малини, бидејќи тие имаат малку шеќери, а многу добро се комбинираат со масни шлагови.
Избегнувајте :
-Шеќери (најлош избор), освежувачки пијалоци, овошни сокови, „спортски“ пијалоци, чоколади, пецива ;
-Сувомеснати производи – едноставно во нив се става се и сешто, па така може да се најде и соино брашно и разни несакани адитиви…Ако имате поверливи снабдувачи на квалитетни сувомеснати производи, тогаш е категоријата „дозволено“ ;
-Сладолед, снегулки за појадок…Избегнувајте, исто така, и засладувачи ;
-Масла – сончогледово, пченкарно, соино, богати се со омега 6 масни киселини кои се доста штетни ;
Леб, теста, ориз, компир, чипс, зобна каша, мусли…Производи од „цело зрно“ не се добри, но се помалку штетни. Корен од репа, целер да се користат само во помали количини ;
-Маргарин, индустриски подготвена имитација на путер, неприродно богата со омега 6 маснотии. Од него нема никаква корист и со лош вкус. Според статистиката постојат болести како што се астма и разни воспаленија, за кои главен предизвикувач е токму маргаринот ;
-Пиво, течен леб. Преполно е шеќери од меласа ;
-Благо и сушено овошје.
И уште нешто :
Понекогаш може да се консумира чоколадо (со најмалку 70% какао) како и чаша добро суво вино ;
Секојдневните пијалоци се, секако вода, кафе и чаеви.
Препораки за појадок
Јајца и сланина, омлет, остатоци од вчерашната вечера, кафе, јајца со мајонез или путер, сирење премачкано со путер и шунка, парче сирење со шунка или некоја сланина и хогурт кој содржи многу масти со костенливи плодови…
Препораки за ручек и вечера
Месо, риба или пилешко месо со зелен и масен прелив, а компирот има многу замени, на пример пире од карфиол или брокули. Гулаши, чорби од одбрани производи кои содржат многу малку јаглехидрати. Јадењето ќе биде повкусно ако се користи путер, павлака или кашкавал. Оваа исхрана не предизвикува потреба од „грицкање меќу оброци“. Но, доколку е тоа потребно, понекогаш неопходно подгответе си парче кашкавал со шунка или земете маслинки, лешници, парче сирење, можеби варено јајце, костенливо овошје. Ако навистина изгладните помеѓу оброците тоа значи дека не јадете доволно. Не се плашете од масти, јадете малку повеќе и подолго време ќе бидете задоволни.
И секако, ако ја започнете оваа диета од куќата задолжително исфлете ги сите производи кои содржат јаглехидрати. Особено : бонбони, чипс, овошни сокови и освежителни пијалоци, маргарин, било каков шеќер, леб, тесто, ориз, компир, снегулки, се што е осиромашено, кекс, сладолед.
