Идеално би било жените секоја година да прават контрола на здравјето. Посетата кај лекар би требало да вклучува разговор за семејната здравствена историја, но и за некои навики. Но, постојат работи кои за себе може да ги направите и сами.
Ова се шест самопрегледи кои секоја жена би требало да ги применува.
ГРАДИ
Градите е потребно да се прегледуваат еднаш месечно и особено да се обрне внимание на промените на нив, како црвенило, вдлабнатини, осип или болка…
“Постои загриженост поради тоа што жените се чувствуваат охрабрено на основ на нормален самопреглед, но “не чувствувам ништо“, не мора да значи дека нешто и нема“, потенцира д-р Еарлексиа Норвуд раководител на службата за семејна медицина во болницата Хенри Форд Вест.
КОЖА
Редовниот преглед еднаш во месецот на кожата може да ви спаси живот. Прегледот треба да го опфати секој сантиметар на телото, па дури и деловите кои не се изложени на сонце, како темето на главата, рацете, делот околу ноктите, под дојките, па дури и гениталиите и стапалата.
“Ако рано се забележи, ракот на кожа вообичаено може и да се излекува“, вели д-р Норвуд.
ОБЕМ НА ПОЛОВИНАТА
Секои 3-4 месеци измерете го обемот на половината. Тој може да биде подобар показател на здравствените и идните здравствени ризици од индексот на телесната маса. Зошто? Повеќе масни наслаги на стомакот значат и поголема шанса за заболување од срцеви болести, мозочен удар и дијабетес.
Општо, жените се најздрави кога половината им е помала од 88 сантиметри.
ПУЛС
Пребрзото отчукување на срцето или пулсот може да биде знак за пореметно функционирање на штитната жлезда – хипертиреоза, абнормалност на срцевиот ритам или други проблеми со срцето.
Ставете го показалецот и средниот прст на страната на вратот или над дланката и бројте ги отчукувањата во 15 секунди. Помножете со 4 и ќе ја добиете вредноста на пулсот.
“Нормалната вредност на пулсот во мирување е помеѓу 600 и 100“, вели д-р Норвуд.
ВИСИНА
Мерењето на висината еднаш годишно е едноставен начин да следите колку се здрави вашите коски.
“Намалувањето на висината значи дека губите коски и тоа може да биде ран знак на остеопороза. Зајакнете ги своите коски со пешачење, трчање и дигање тегови“, вели д-р Норвуд.
КРВЕН ПРИТИСОК
Редовната контрола на крвниот притисок значи навремена превенција на здравјето во иднина.
“Некој кој е здрав, но повремено му се качува притисокот, а нема дијагностицирана хипертензија, треба да изврши епизодично следење. Најмалку еднаш во годинаа проверете го крвниот притисок и апаратот за мерење кај својот матичен лекар“, потенцира Норвуд.
