Салатите можеби се најздравиот облик на храна, но тоа не значи дека сите го задоволуваат апетитот, а да не зборуваме за хранливите материи што ви се потребни. Зеленчукот е одличен извор на витамини, минерали и фотонутринети, но не е доволен за да го замени главното јадење и затоа служи само како прилог. Дури и во комбинација со месо и прелив, зеленчукот не содржи доволно хранливи материи за да замени оброк на еден возрасен човек.
Вообичаено е луѓето да ги комбинираат зеленчуците со протеини, уверени дека на тој начин ќе им одолеат на јаглехидратите и мастите со цел да го зачуваат здравјето и да ја намалат телесната тежина. Но, проблемот е тоа што салатата не заситува и порано или подоцна повеќето ќе посегнат по погрешните избори на храна.
Ако сте голем фан на салатите, добро е да знаете дека со планско сортирање на намирниците, секоја салата може да ја претворите во комплетен оброк.
За салатата да стане оброк треба да има доволно калории
Прво нешто што треба да имате на ум се калориите – дали вашата салата содржи доволно? Можеби не милувате да броите калории, но за да останете сити, во овој случај ви се неопходни. Кога е во функција на самостоен оброк, салатата не смее да има помалку од 500 калории, во спротивно може да послужи само како прилог на главното јадење. Исто така, водете сметка да вклучите јаглехидрати, протеини и масти во секоја комбинација. Колку е пошарена салатата тоа подобро, бидејќи така ќе бидете сигурни дека сте внеле доволно хранливи материи.
Како да ја претворите салатата во оброк?
Повелете водич кој ќе ви помогне зелените листови салата да ги претворите во нутритивен оброк. Доволно е во чинијата да вклучите по една намирница од секоја категорија и сте завршиле работа.
Јаглехидрати:
- Ориз
- Киноа
- Кус кус
- Сладок компир
- Тиква
- Овошје
- Кубети
- Лепиња
- Пченка
- Јачмен
- Тортилји
Протеини:
- Пилешко месо
- Мисиркино месо
- Ракчиња
- Свинско месо
- Зеленчук
- Риба
- Варено јајце
- Тофу
Масти:
- Јогурт
- Маслиново масло
- Авокадо
- Јатки и семиња
- Маслинки
- Маслен дресинг
- Рендано сирење
Имајте на ум дека листата погоре не е конечна и можете да ја менувате според ваш вкус. Освен што ќе ве снабди со енергија, салатата треба да ве засити и да уживате во неа. Пред да побрзате да исклучите цела една група намирници, на пример јаглехидратите, сетете се дека резултатот секогаш ќе гласи: Недостиг на хранливи материи за организмот.
Сега, засукајте ракави и брзо во кујна да ја спремите вашата комбинација.
