Веруваме дека досега барем еднаш имате направено палачинки. Бидејќи начинот на подготовка е лесен не секогаш обрнувате внимание на сите состојки, но тука грешите.
Сакате да подготвите палачинки за вас и вашето семејство кои и без полнење и додатоци ќе бидат вкусни.
Ова е точниот рецепт за совршените палачинки, следете ја оваа постапка:
Состојки:
- 2 јајца
- 4 шолји брашно
- ½ литри млеко
- 100 ml кисела вода
- 1 прстофат сол
- 1 лажичка шеќер
Начин на подготовка:
Во сад изматете ги јајцата, додајте им прстофат сол, 1 лажичка шеќер и ½ литри млеко. Постепено додавајте го брашното во садот за да не се направат грутки брашно и матете се додека не добиете убаво соединета смеса.
На крај додадете 100 ml кисела вода и промешајте убаво за да се соедини со другите состојки.
Сигурно веднаш ќе почнете да правите палачинки, но една од тајните е што треба да почекате 20 минути смесата да отстои.
Пред печењето промешајте ги убаво состојките во садот и на загреано тавче со малку масло и започнете да ги подготвувате најубавите домашни палачинки.
Уживајте во подготовката, а потоа спремете се за уште поголемо уживање!
Секако може да ги збогатите и со солен или благ фил, крем или џем!
Добар апетит!
