Медитерански тестенини

За љубителите на медитеранската кујна и вистинските зависници од тестенини и најубавиот италијански сос од домати со пикантен вкус.

Состојки:

-500гр спирални тестенини

-50гр пармезан

-1 модар патлиџан

-1 морков

-1 главица кромид

-2 чешлиња лук

-400 грама излупени домати

-1 лажица кафеав шеќер

-50гр црни маслинки без семки

-4 лажици маслиново масло

-оригано

-мешан зачин

-бибер.

Подготовка:

1. Спиралните тестенини сварете ги во вода со неколку капки маслиново масло, па исцедете ги.

2. Лукот и кромидот исечете ги ситно, модриот патлиџан излупете го и исечете на коцки, а црните маслинки на кругови. Морковот изрендајте го на крупно, а излупениот домат изблендирајте го.

3. На малку маслиново масло пропржете го морковот, кромидот и лукот, а потоа додадете го и модриот патлиџан и заедно пропржете. Продолжете со динстање додавајки постепено вода по потреба.

4. Кога зеленчукот е половично сварен додадете ги исчистените домати, маслинките, шеќерот и зачините по желба. Гответе на умерена температура додека сите состојки не омекнат и да добиете изедначена смеса.

5. При крајот на готвењето додадете ги пармезанот и ориганото.

6. Сварените тестенини прелијте ги со подготвениот сос и полека измешајте.