Магнезиумот е четвртиот најзастапен минерал во човековото тело. Тој игра многу важни улоги во здравјето на Вашето тело и мозокот. Дури и да се храните здраво, сепак можеби нема да внесувате доволно. Еве 10 здравствени придобивки од магнезиумот кои се поддржани од модерните научни истражувања.
- Магнезиумот е вклучен во стотици биохемиски реакции во вашето тело
Околу 60% од магнезиумот во човековото тело се наоѓа во коските, додека останатиот дел е во мускулите, меките ткива и течностите, вклучувајќи ја крвта. Всушност, секоја клетка во Вашето тело ја содржи и потребен и е за да функционира. Една од главните улоги на магнезиумот е тоа што дејствува како кофактор или помошник на молекулите во биохемиските реакции кои континуирано се изведуваат од ензимите. Тој учествува во повеќе од 600 реакции во вашето тело, вклучувајќи:
Создавање на енергија: помага во конвертирање храна во енергија.
Формирање на протеини: помага во создавање нови протеини од амино киселини.
Одржување на гените: помага да се создаде и поправи ДНК и РНК.
Мускулни движења: дел е од контракцијата и релаксацијата на мускулите.
Регулација на нервниот систем: помага да се регулираат невротрансмитерите, кои испраќаат пораки до Вашиот мозок и нервен систем.
Магнезиумот ја зголемува ефикасноста на вежбањето
За време на вежбањето, може да ви требаат 10-20% повеќе магнезиум отколку кога се одморате, во зависност од активноста. Магнезиумот помага да се премести шеќерот во крвта во мускулите и да се ослободи од млечната киселина, која може да се изгради во мускулите за време на вежбање и да предизвика болка.
- Магнезиумот во улога на антидепресив
Магнезиумот игра клучна улога во функцијата на мозокот и расположението, а ниските нивоа се поврзани со зголемен ризик од депресија. Зголемувањето на нивото на магнезиум може да помогне во намалување на симптомите на депресија, а во некои случаи резултатите можат да бидат драматични. Со внесување на 450мг магнезиумот, расположението се подобрува и делува како антидепресивен лек.
- Придобивки против дијабетес тип 2
Се верува дека околу 48% од дијабетичарите имаат ниско ниво на магнезиум во нивната крв. Ова може да ја наруши способноста на инсулинот да ги контролира нивоата на шеќер во крвта. Една студија следеше повеќе од 4.000 луѓе во период од 20 години. Се утврди дека оние со највисок внес на магнезиум имале 47% помала веројатност да станат дијабетичари. Во друга студија, дијабетичари кои земале високи дози на магнезиум секој ден доживеале значителни подобрувања на шеќерот во крвта и нивоата на хемоглобин A1c.
- Магнезиумот го намалува крвниот притисок
Во една студија, луѓето кои земале 450 mg на ден имале значително намалување на систолниот и дијастолниот крвен притисок.
- Антиинфламаторни придобивки
Нискиот внес на магнезиум е поврзан со хронично воспаление, кое е еден од двигателите на стареењето, дебелината и хроничната болест. Додатоците на магнезиум може да го намалат CRP и другите маркери на воспаление кај постари возрасни лица и луѓе со прекумерна тежина. Храната богата со магнезиум, како мрсна риба и темно чоколодо, придонесува за намалување на воспаленија.
- Магнезиумот помага во спречување на мигрена
Мигреналните главоболки се болни и ослабувачки. Често се проследени со гадење, повраќање и чувствителност на светлина и бучава. Во една студија, со еден грам магнезиум, мигрената поминува побрзо и поефикасно од други лекови. Покрај тоа, храната богата со магнезиум може да помогне во намалување на симптомите на мигрена.
- Магнезиумот ја намалува отпорноста на инсулин
Инсулинската резистенција е една од водечките причини за метаболичен синдром и дијабетес тип 2. Магнезиумот игра клучна улога во овој процес. Една студија покажа дека дури и кај луѓето со нормални нивоа на крв, доколку се зголеми внесувањето на магнезиум, ќе се намали инсулинската резистенција.
- Магнезиумот ги намалува симптомите на ПМС
Предменструалниот синдром (ПМС) е едно од најчестите нарушувања кај жените уште од детска возраст. Овие симптоми се проследени со грчеви во пределот на стомакот, болки во грбот, замор и раздразливост. Интересно е тоа што се покажа дека магнезиумот го подобрува расположението кај жените во ПМС, а исто така ја намалува болката и појавата на некои симптоми.
- Магнезиумот е безбеден и достапен насекаде
Магнезиумот е апсолутно неопходен за добро здравје. Препорачаната дневна доза е 400-420 mg дневно за мажи, а 310-320 mg дневно за жени. Тоа може да се внесе и преку храна или додатоци. Храна која е одличен извор на магнезиум: семиња од тиква, спанаќ, темно чоколадо, црн грав, бадеми, индиски ореви, скуша, авокадо, лосос.
Неда
