Ако имате вишок на масти на стомакот и не знаете како да се ослободи од него, можеби ќе сакате да ги вклучите овие храни во вашето секојдневно мени. Всушност, иако не постои магична храна која ќе ги изгори сите масти, ако ги јадете овие работи полесно ќе изгубите тежина.
1. КЕФИР
Ферментираните храни се одлични за губење на тежината, но исто така и за целокупното здравје. Кралот на ферментираните млечни производи е кефирот. Всушност, тој е полн со пробиотици кои ќе направат вашиот дигестивен систем да работи многу подобро, а со тоа и полесно ќе ослабите. Вие секогаш може да одлучите и за јогурт или кисело млеко, а ако не сакате млечни производи – киселите краставички и зимница (кисела храна) го имаат истиот ефект.
2. ЛОСОС
Оваа масна риба е омилена на многу холивудски ѕвезди и манекенки, поради тоа што брзо дава чувство на ситост, а при тоа е, исто така, богата со омега – 3 масни киселини. Овие киселини не се добри само за губење на тежината, но исто така и за срцето, зглобовите и мозокот. Тука се и драгоцените омега – 6 масни киселини, па затоа лососот треба редовно да биде вклучен во вашата исхрана.
3. КЕЉ
Се разбира, ова растение со дебели, зелени лисја претставува неизбежна храна во која било диета. Кељ е алкална храна, што значи дека ќе ја намали киселоста во организмот, а при тоа е богат и со растителни влакна. Влакната се од суштинско значење за губење на тежината, бидејќи ќе го забави ослободувањето на гликозата и на тој начин нема да се покачува инсулинот. Покрај тоа, кељот содржи многу магнезиум и железо, кои го намалуваат нивото на хормоните на стрес во телото.
4. ЗЕЛЕН ЧАЈ
Денес, наместо кафе, пијте го благотворниот зелен чај. Ќе ви помогне во намалување на масните наслаги, а со тоа и ќе ве освежи. Имено, зелениот чај помага при работата на тироидната жлезда и го подобрува метаболизмот, а тој ефект трае и неколку часа по пиењето на чајот.
5. ЈАБОЛКО
Јаболката се фантастични и се едни од најздравите видови на храна кои дефинитивно би требало да се јаде секој ден. Едно јаболко со средна големина содржи околу пет грама растителни влакна, а во неа се наоѓа и пектин, кој се смета за природен согорувач на масти. Тие немаат многу шеќер, ниту калории, а полни се со витамини. Затоа се совршен оброк за оние кои сакаат да изгубат тежина.
6. САРДИНА
Оваа риба за жал, многу луѓе не ја сакаат. Но, ако сте еден од оние кои ја сакаат сардината, вие сте благословени. Освен што сардината е една од ретките риби која може да се пофали со ниска содржина на жива, таа исто така, има многу здрави омега – 3 масни киселини. Покрај сето тоа, претставува и одличен извор на витамин Б. Сардината ќе ви ги обезбеди потребните здрави масти и протеини, па затоа би требало да ја јадете кога и да сте во можност.
