Заспијте побрзо вечерва: Трикови со кои ќе паднете во длабок сон за неколку минути

Уморни сте, а сонот не ви доаѓа? Проблемот може да биде тоа што до пред малку сте го гледале телефонот, нешто што сте јаделе за вечера или едноставно анксиозност. А најдобриот и најбрз начин да се ослободите од вознемиреност се вежбите за дишење. Ние ви откриваме пет техники на дишење кои ќе ве смират и ќе ви овозможат полесно да заспиете.

1. Само полека

Фокусирајте се на бавно дишење. Земете длабок здив многу бавно, а потоа полека издишувајте. Длабокото дишење ги намалува отчукувањата на срцето и го намалува крвниот притисок, со што се смирува целото тело. Легнете во кревет и дишете на овој начин околу 10 минути, а наскоро и ќе заспиете.

2. Техника 4-7-8

Според доктор Андреј Вејл од Центарот за интегративна медицина во Аризона, вежбите за дишење за релаксација, познати се и како „вежби 4-7-8“ и можете да ги правите пред да одите на спиење. За да се опуштите, седнете на креветот во турска седечка положба (со вкрстени нозе), врвот на јазикот придвижете го кон вашите непца, затворете ја устата и вдишете низ носот броејќи до 4. Потоа сопрете го здивот седум секунди, па издишете преку устата броејќи до осум. Повторете го ова најмалку четири пати.

3. Традиционално медитативно дишење

Преку неговото истражување, неврологот и експерт за медитација Кетрин Кер покажала дека фокусирање на вашето дишење е првата неопходна компонента потребна за добра медитација. Треба да се поврзете со протокот на воздухот, да бидат свесни за начинот на кој поминува низ телото. На овој начин, напнатите мускули ќе се опуштат, а ќе исчезнат негативни и вознемирувачки мисли. Дишете на овој начин осум до десет минути.

4. Менувајте ги ноздрите

Шодана е една од најчестите типови на „пранајама“ или контрола на дишење во јогата. Во текот на шодана дишењето го контролирате така што на една ноздрва вдишувате, а на друга издишувате. Се верува дека телото и мозокот на тој начин добиваат чувство на рамнотежа и неутралност.

Дишење преку уста потсвесно му испраќа сигнал на мозокот дека сме под стрес, додека дишењето преку нос испраќа сигнали дека сме опуштени. Седнете, така да ви биде удобно, со исправен грб, па потоа затворете една ноздра, а преку другата вдишете. Потоа затворете ја другата ноздрва, па низ првата издишете. Цело време држете ги очите затворени.

5. Двојно подолго издишување

Многу пранајамски техники на дишење се потпираат на правилото дека издишувањето би требало да трае двојно подолго од вдишувањето. Со вакво дишење се опушта нервниот систем, а фокусирањето на дишење не спречува да се мислиме за она што ни предизвика вознемиреност. Легнете на грб, вдишете три секунди, а потоа издишете шест секунди и повторувајте го тоа додека не заспиете.