Медот е природен антисептик, ја овлажнува кожата без таа да изгледа масно. Циметот веќе илјада години се употребува како пилинг што ги стимулира порите, оревите се добри за смирување на кожата и на воспаленијата, а сокот од лимон ги отстранува мртвите клетки од лицето.
Тоа се намирниците што ви се потребни за да ја направите дома вашата маска против акни. Количеството од нив е следното:
- Три кафени лажици мед,
- една кафена лажица цимет,
- една кафена лажица мелени ореви и
- сок од лимон (по потреба).
Подготовка на маската:
Во мал сад помешајте ги сите состојки во горенаведените количества. Мешајте сè додека смесата не стане густа и темнокафеава. Потоа смесата ставете ја во фрижидер за да го забрзате процесот на згуснување.
Нанесете ја маската на лице и држете ја половина час. Потоа, исплакнете го лицето и навлажнете го со кремата за лице што ја користите.
