Медитеранската диета вклучува вкусни и здрави начини на конзумација на храна и пијалоци. Поради оваа причина, медитеранската диета регуларно е опишувана како златен стандард на здравата исхрана.
Овој начин на исхрана е базиран на употреба на здрава храна и пијалоци кои традиционално се конзумирани од луѓе кои живеат во земјите околу Медитеранското море.
Интернационалните коалиции од нутриционисти-научници, креирале Медитеранска пирамида на исхрана, за да ги инспирира луѓето да започнат да ја конзумираат секојдневно и притоа да уживаат во овој вид на храна.
Медитеранска Пирамида на Исхрана
Традиционалната медитеранска диета е базирана на употреба на:
- Житарици – пченка, пченица, ориз, р’ж;
- Зеленчук – свеж или варен;
- Овошје без додаток на шеќери (контрола на порциите). Овошните сокови треба да се избегнуваат (како замена за чаша сок се зема едно парче овошје);
- Маслинки и маслиново масло (богати со фитонутриенти);
- Зрнести плодови (ореви, лешници, бадеми, соја) и легуминози (грав, грашок, леќа);
- Зачини (богати со антиоксиданти);
- Сирење и јогурт;
- Риба (богата со омега-3 масни киселини) и морски плодови;
- Јајца (високо квалитетни протеини);
- Месо во помали порции;
- Вино (во регуларни количини 150мл за жени, 200мл за мажи).
