Штотуку дознавте дека имате висок холестерол. Не бидете разочарани за секој проблем има решение. Со правилна диетa и контрола од медицинско лице холестеролот може значително да се намали.
Според Американската Срцева Асоцијација, околу 98,6 милиони луѓе на возраст од над 20 години имаат висок холестерол во крвта кој изнесува повеќе од 200mg/dl. Добрата вест е дека сте го идентификувале проблемот на време, па сега е време да започнете со лекување. Повеќето пациенти со висок холестерол држат диета. Можете да започнете со некои основни начини. Но ако после 6 месеци не ги добиете резултатите кои сте ги очекувале, можеби ќе треба да се обратите за помош кај лекар.
Чекор бр.1
Поставете си граница за максималното количество на калории кои можете да ги внесете во текот на еден ден. За повеќето здрави мажи, тоа приближно изнесува 2 000 калории на ден. За жените е малку помала количина. Кога би ги следеле чекорите прикажани подолу, осигурајте се дека ја следите границата на калории која сте си ја поставиле.
Чекор бр.2
Запишувајте се што јадете во текот на една недела: доручек, ручек, вечера и ужина. Проценете ја големината и бројноста на оброците кои ги јадете. Ако не сте запознаени со тоа што е средна големина на оброк, можете да купите вага за мерење на храната. Повеќето продукти (освен овошјето и зеленчукот) е потребно да имаат етикети кои ќе ја покажуваат средната големина на еден оброк.
Чекор бр.3
Заменете ја конзервираната или брзата храна со еквивалентната свежа храна. Добар извор за тоа е пирамидата на исхрана која ја групира целата храна во шест категории: зрна, зеленчук, овошје, млеко, месо и масла. Поголемиот дел од вашиот оброк треба да се состои од свежи овошја и зеленчук.
Чекор бр.4
Намалете го количеството на маснотии кои ги внесувате дневно на помалку од 20%. Храната која содржи заситени масти може да го покачи LDL (лошиот) холестерол. Заменете го путерот и полномасните млечни производи со нивните еквиваленти со редуцирана количина на маснотии. Заменете го секој поголем извор на маснотии со мононезаситени и/или полинезаситени маснотии кои се добри во намалување на нивото на LDL холестеролот.
Чекор бр.5
Додадете најмалку два оброци на риба во неделата. Одредени видови риби како што се пастрмката, лососот, сардините и скушата содржат омега-3 масни киселини кои го намалуваат LDL холестеролот. Ако не сте љубители на риба, можете да си обезбедите производи со омега-3 масни киселини.
