За да го подобрите вашето здравје, не е доволно само да јадете здрава храна туку и да ја комбинирате здравата храна соодветно. Некои зачудувачки соединенија може да доведат до зголемување на телесната тежина, па дури и до дигестивни проблеми поради витаминскиот и хранливиот дисбаланс.
Со утврдување на соодветна замена, можете да го одржите вашето тело во форма без да се откажете од вашата омилена вкусна храна . Откријте која комбинација на храна да ја прескокнете и што да јадете за да бидете поздрави и посреќни – но не и гладни.
1. Бел леб со џем
„Комбинација презаситена со шеќер за почетокот на денот може лошо да влијае на вас.“вели Алисон Стауел консалтинг нутриционист во здружението “Гудининг Старс” и додава: „Кога ќе го започнете денот без протеини и со многу малку маснотии, постои можност во текот на денот да се прејадете, со оглед на тоа дека вашето тело ќе настојува да го надомести овој недостаток“.
Заменете го белиот леб со леб со цели зрна за да на исхраната и додадете влакна, а наместо џем јадете путер од кикирики за здраво количество на маснотии и протеини.
2.Пица со салама
Додавањето на сувомеснати производи на и така високо калоричната пица го зголемува ризикот од срцево заболување.„Доколку ви се случува, само„ понекогаш“ да јадете ваква храна, тоа сигурно значи дека не консумирате доволно подобри варијанти“, вели Стауелова.
За поголема хранливост збогатете ја пицата со зеленчук наместо месо и јадете ја со богата салата, така помалку ќе се доведете во искушение да посегнете по уште едно парче.
3. Чипс и салса (лут сос)
Дали некогаш сте се запрашате зошто е толку тешко да се оттргнете од грицките?
„Вашата глад за сол сигурно е поголема од желбата да се одвоите од чипсот, а како резултат на тоа внесувате големо количество калории“, објаснува Стауелова. И покрај тоа што салса сосот е ниско калоричен, му недостасува „ситост“ која ја даваат некои поздрави грицки.
Најдобро ќе биде чипсот да го замените со свеж зеленчук, со цел да имате витаминска и ужина богата со антиоксиданси.
4. Житарки со млеко
Верувале или не, најчестиот појадок на светот на многумина им предизвикува проблеми со варењето.„И житарките и млекото содржат јаглени хидрати“,
Вели Алисон Стауел . Брзо сварените јаглени хидрати предизвикуваат промени во високиот крвен притисок и енергетски кризи. Храната која побавно се вари, од вашиот организам бара помалку работа, а тоа секако е подобро решение наведува Срауелова.
За да го олесните варењето, во појадокот треба да додадете маснотии и протеини, а тоа ќе го направите со мешање на житарки со јогурт без маснотии и еден грст ореви.
5. Вино и десерт
Размислете за тоа да својата вечерна чаша вино ја замените со филџан кафе или чај. Според некои експерти виното треба да се пие со вечерата, не после неа. Алкохолот се меша со шеќерот во крвта зголемувајќи го така нивото на инсулин, кој потоа шеќерот од десертот го претвора во масни наслаги – а тоа води до вишок килограми.
Виното би требало да го пиете со храна која не е гликемиска, како што е зеленчукот, кој го намалува налетот на алкохолниот шеќер.
6. Хамбургер и помфрит
Омилено Американско јадење кое е лесно достапно, но тоа не значи дека зад себе не остава сериозни последици. Составот од претерано обработени супстанции кои можеме да ги најдеме кај хамбургерот и шеќерот од помфритот водат до забрзано стареење и нарушување на метаболизмот.
Здрава замена: помалку мрсен вегетаријански хамбургер во комбинација со кисели краставици.
7.Чорба од конзервирани домати и поховано сирење
Оваа класична комбинација не е безопасна како што изгледа. Повеќето чорби од конзерва имаат зголемено количество на шеќер, благодарение на додадената фруктоза, а многу малку протеини и заедно со похованото сирење преставува извор на големо количество на натриум.
Повеќе влакна и витамини со помалку калории ќе добиете со изборот на чорба од домати со ниско ниво на натриум и без дополнителни шеќери, јадејќи ја со посно сирење и леб од цело зрно.
8.Месо и пире од компири
Омиленото јадење во неделата има и лоши и добри страни. Додека месото од една страна е одличен извор на протеини, најчесто има покачени маснотии и голем број калории. Потоа пирето од компири ни дава само неколку грама влакна, а со додадената павлака или путер заедно со месото станува јадење кое има многу малку здрави незаситени маснотии. Исто така малото количество на влакна може да предизвика запек.
За сличен вкус со повеќе влакна и помалку калории пробајте мисиркино месо во комбинација со пасиран карфиол.
9.Салата со посни додатоци
Точно така :посните додатоци не се најидеалното решение за зачинување на салатата. Витамините кои се наоѓаат во зеленчукот, како што се А и К, бараат дополнителни маснотии за да се впијат. Исто така многу посни додатоци се презаситени со шеќери.
За да го направите зеленчукот повкусен секогаш изберете го маслиновото масло.
10.Мафини и сок од портокал
За овој популарен појадок карактеристична е малата хранливост, со голем број калории. Недостаток на протеини и влакна , а вишок од јаглени хидрати може да предизвика покачен крвен притисок, кој за кратко време повторно ќе падне, правејќи да се чувствувате заморено.
Како замена пробајте мафини од цели зрна и филџан млеко со намалени маснотии за поголемо количество протеини. На крај изедете свежо овошје за да се заблажите.
