Секоја вежба повторете ја пет пати (во текот на едно повторување подигнете се на 10 секунди од подот). Правете 2-4 серии на повторувања. Можете да ставите тегови околу бутовите за да го зголемите отпорот.
Вежба 1
Легнете на левата страна, главата ставете ја на левата рака, а десната рака положете ја на подот пред градите. Нозете би требало да ви бидат исправени. Не помрднувајќи ниеден друг дел од телото, полека подигнете ја десната нога колку што можете повисоко.
Вежба 2
Легнете на левата страна така што колковите и колената ќе ви бидат свиткани под агол од 45 степени. Држете ги нозете припиени една до друга. Не одвојувајќи ги стапалата едни од други, подигнете го десното колено што можете повисоко.
Вежба 3
Легнете на грб, а нозете свиткајте ги во колената така да стапалата ви бидат на подот. Ослонувајќи се на рацете и стапалата, подигнете се кај колковите додека телото не ви биде во целосно исправена положба.
Вежба 4
Поставете се во положба за склекови, така што телото е во исправена положба. Подигнете го десното стапало, свиткајте ја ногата и пробајте да го придвижите коленото што поблиску до вашето лево рамо.
