Некои велат дека најконсумиран пијалок низ светот е чајот, други пак велат, дека тоа е кафето…Која е вистината…само факт е дека околу 3,5 милијарди чаши кафе секојдневно се пијат, според Европската федерација за кафе. Во зрната од кафето се кријат многу здравствени придобивки, според многу студии, пиењето една чаша кафе секој ден го намалува ризикот од развој на сериозен рак на црниот дроб, наречен хепатоцелуларен, или HCC, за една петтина.
Според CBS Philly, HCC е втората од најраспространетите причини за смрт од рак во светот. 19%намален ризик од HCC претставува голема предност од само една чаша, но ако пиете повеќе од една чаша во еден ден, ризикот за рак на црниот дроб е уште помал, објави истражувачкиот тим. Всушност, пет чаши кафе дневно се поврзува со пад на ризикот од ваков тип на рак за 50%. Истражувачите дојдоа до својот заклучок со спроведување на систематски преглед и мета-анализа на повеќе од 26 опсервациони студии, во кои беа вклучени информации за повеќе од 2,25 милиони возрасни лица. Тимот го разгледаше внесот на кафе на учесниците – вклучувајќи го и бројот на чаши што ги консумираат секој ден, како и дали кафето беше со кофеин или без кофеин – и дали ова може да биде поврзано со ризикот од развој на HCC.
Беа земени предвид и други променливи како индекс на телесна маса (BMI), консумација на алкохол, пушење, дијабетес тип 2 и вируси од хепатитис Б и Ц, по што повеќе од 2 милиони испитаници кои пиеле две чаши дневно покажаа намален ризик од НСС за 35%. Водечкиот студиски автор, д-р Оливер Кенеди од Универзитетот У.К. во Саутемптон, кој работи со Универзитетот во Единбург во Шкотска, предупреди:
Ние не предлагаме пиење кафе 5 чаши секој ден, голема улога играат и потенцијалните штети од високиот внес на кафе и кофеин и постојат одреени типови и групови на луѓе кои треба да внимаваат, како што се бремени жени.
Хепатоцелуларен карцином: фактори на ризик, алкохол и цигари
Истражувањата и откритието за кафето што го направија голем број истражувачи е од голема важност, бидејќи ова заболување е многу опасно и смртоносно. Бројките на Американското здружение за рак на рак на црниот дроб се прилично отрезнувачки: околу 201.000 нови случаи се дијагностицирани во 2017 година, бројот се зголемува секоја година и HCC е причинителот во поголемиот број случаи. Причините зошто HCC има толку висока стапка на смртност во целиот свет се должи на лошата прогноза и висока фреквенција, особено во Кина и Југоисточна Азија, објавено во вестите од Универзитетот во Саутемптон. Тие додадоа дека до 2030 година, нови случаи ќе се искачат за околу 50 проценти и ќе се зголемат за 1,2 милиона. Дискутабилно било дали има корист од консумирање 5 чаши дневно кафе или не, но сепак студијата покажала дека:
Колку повеќе кафе пијат луѓето (до пет чаши), толку е помал ризикот;
Луѓето кои пијат кафе без кофеин имаат помал ризик од НСС, иако во помал обем од кофеинско кафе;
Луѓето со претходно постоечко заболување на црниот дроб имаат помал ризик;
Пиењето кафе може спречи развој на заболување на црниот дроб кај луѓето;
Истата студија донесе уште една изненадувачка информација што укажува на тоа дека факторите на живот, како што се исхраната, нивото на физичка активност и тежината можат да се намалат и да се намали ризикот од развивање заболување на црниот дроб, не само НСС, туку и други проблеми, други видови рак. Според Медицински вести денес, одредени лица имаат зголемен ризик, вклучувајќи:
Луѓе кои веќе имаат заболување на црниот дроб;
Поединци чиј црн дроб е оштетен поради напади на хепатитис Б или Ц;
Луѓе со автоимуна болест;
Луѓе со хронично воспаление на црниот дроб;
Кафето изобилува со голем број здравствени ефекти како дополнување на оние на црниот дроб, вклучувајќи невролошки болести, дијабетес и помага да се спречат некои видови на рак, покажаа студиите.
