Со диета базирана на мед не треба да ги броите калориите, да купувате скапа храна или да гладувате, а можете да ја намалите тежината за 1,3 кг неделно, тврди американскиот нутриционист Мајк Мекинес (Mike McInnes).
Една лажица мед во текот на денот, пред спиење може да ви помогне да ослабете за цел еден конфекциски број до Нова Година, тврди нутриционистот Мајк Мекинес, кој ја осмисли оваа диета. Поради неа не треба да ги броите калориите, да купувате скапа храна, ниту да гладувате, а Мекинес тврди дека со користењето на оваа диета можете да изгубите до 1,3 кг неделно. Медот ги поттикнува метаболичките промени кои ја намалуваат желбата за слатки и овозможува согорување на мастите во текот на ноќта.
По неколку години од истражувањето тој заклучи дека уникатната комбинација на шеќерот во медот го прави совршена комбинација за губење на тежината. За време на медената диета можете да уживате во семејниот ручек, грицките и слатките кои најчесто се забранети- вклучувајќи пудинзи, леб, колачи, па и кекс- но под услов тие да се направени со мед наместо со шеќер. Замената на шеќерот со мед во текот на денот и ставањето на големи лажици мед во топли пијалаци пред спиење, ги исклучуваат механизмите во мозокот кои ја стимулираат желбата за благо.
– Дури и наводно здравата храна сиромашна со масти, често е богата со скриени шеќери и бело брашно (кое организмот брзо го претвора во шеќер). Тоа значи дека шеќерот во крвта е на максимално ниво во текот на целиот ден.
Корисноста на медот во исхраната ја потврдува и нутриционистката Сандра Мариќ Булат .
-Медот е поздрава опција од шеќерот и содржи помалку калории (288 кцал, за разлика од 394 кцал на 100гр). Медот е двапати посладок од шеќерот бидејќи содржи висок процент на фруктоза. Гликемискиот индекс на медот во просек е околу 55, што е умерена вредност, а може да се препорача и на дијабетичарите, но во ограничени количини, вели нутриционистката и додава:
– Уште одамна се докажани антивирусните и антибактериските дејства на медот. Медот поволно влијае и на исфрлањето на токсичните материи од телото, има антибактериски ефект, во зависност од видот во ограничени количини делува поволно на цревата, црниот дроб, гастроинтестиналниот тракт, респираторниот систем итн. Исто така се покажа и неговото позитивно влијание на контрола на шеќерот во крвта и чувствителноста на инсулинот во споредба со другите засладувачи. Затоа е добар избор и кај слабеењето- објаснува Сандра Мариќ Булат.
– Медот содржи голем број микро-нутриенти кои влијаат на начинот на неговото разложување во телото. Многу студии покажаа дека, после пиењето на чаша чај или јогурт засладен со малку мед, доаѓа до мал пад на шеќерот во крвта, а не до негово покачување.
– Медот не обезбедува со енергија за физичките вежби. Обновете ги вашите резерви на „гориво“ така што во едно шише со вода ќе растворите една до две лажички мед и пивнувате додека вежбате.
– Медот не мора да е најскап, но да биде од сигурен производител. Евтиниот мед може да е разреден со шеќерен сируп.
– Медот не е наменет само за засладување на колачи и десерти.
Употребете го во преливот за салата со маслиново масло и оцет или измешајте го со свежо сирење.
– Важно! Не јадете повеќе од 4 лажици мед во текот на денот.
Премногу калории (64 калории во една супена лажица) ќе имате спротивен ефект и ќе предизвикате таложење на вишок килограми.
– Медот го лечи мамурлакот. Земете една лажица заедно со вода пред излегување, една пред спиење и 2-3 лажички веднаш по будењето- во вода, леб од цели зрна, јогурт или без ништо.
Во медената диета треба да ги избегнувате скриените шеќери, па дури и оние ниско- масни млечни производи.
За да биде оваа диета ефикасна потребно е најпрво шеќерот целосно да го замените со мед. Секој грам шеќер што ќе го изедете се претвора во два грама масти, затоа од исхраната исфрлете го шеќерот, засладената храна и вештачките засладувачи.
Започнете го денот со една до две лажици мед во една чаша топла вода. Потоа заменете го шеќерот со мед во чај, кафе, житарки и се што готвите. Имајте на ум дека медот е двапати посладок од шеќерот, па ќе ви треба двапати помала количина. Ако сакате да ослабете, еден од најважните чекори е 30 минути пред легнување да пиете по една чаша топла вода со 1-2 лажици мед.
Сепак, бидете внимателни да не претерате, бидејќи премногу мед ќе го подигне нивото на шеќер во крвта, а со тоа и нивото на инсулин.
Но, диетата ќе биде ефикасна единствено ако ги избегнувате празните калории, кои се наоѓаат во вештачката и преработената храна. Значи, освен што треба да ги избегнувате слатките како што се колачите и тортите, исто така треба да ги прескокнете чипсовите, газираните пијалаци, пржената и преработената храна.
Од јаглените хидрати треба да ги избирате само нерафинираните, а и од нив не треба да јадете премногу.
На пример, рафинираното бело брашно (што е во белиот леб и тестенините) е евтино и има подолг рок на траење, но содржи многу малку хранливи материи и брзо се апсорбира во телото зголемувајќи го нивото на инсулин. Интегралниот леб, тестенините и кафеавиот ориз се богати со растителни влакна и се добри за варењето на храната и подолго даваат чувство на ситост. Ако го замените белото брашно со интегрално, значително ќе придонесете за балансирање на нивото на инсулин во крвта.
Но, исто така треба да се обрне внимание на храната богата со јаглени хидрати да е помалку од една четвртина од оброкот. Протеините и зеленчукот треба да ја пополнат оваа празнина, а делот од јаглените хидрати не треба да биде поголем од една рака.
Така секој ден би требало да внимавате да не изедете повеќе од две парчиња интегрален леб или шест крекери од ориз. Празнината можете да ја пополните со зеленчук богат со скроб, како сладок компир (но, не повеќе од еден дневно), тиква , пашканат, моркови. Обидете се да јадете повеќе мешунки (грав, грашок, леќа) за да се заситите и покрај тоа што не јадете компири. Тие се исто така поздрав избор на протеини отколку месото и јајцата.
Еден ден во неделата треба да ги избегнете сите форми на тестенини, леб, брашно, ориз и житарки, а тоа значително ќе го намали нивото на инсулин. Од млечните производи, важно е да се изберат полномасните бидејќи во производите со помалку масти обично има многу повеќе засладувачи или шеќер за подобар вкус.
Млечните производи се важен извор на калциум, но со нив не треба да се претерува, затоа што многу брзо можете да акумулирате калории, особено ако тоа е “лајт” верзија, која е полна со скриени шеќери.
Секој ден јадете по две овошки. Одберете ги оние со мало количество на јаглени хидрати. Секогаш е подобро овошјето да се изеде цело отколку да се пие сок.
Правилни оброци
Секој оброк треба да содржи протеини за подолго да бидете сити и внесете помалку празни калории. Изберете риба, пилешко без кожа, свинско без масти, говедско месо или јајца.
Забрането
Не јадете компири. Ако сакате да ослабете, компирот треба целосно да го исфрлите од исхраната, без разлика дали е печен, варен или (што е најлошо) во форма на чипс. Компирот многу го покачува нивото на инсулин.
Салати и зеленчук
Можете да ги јадете во неограничени количини бидејќи се богати со влакна. За време на држењето на медовата диета де препорачува да се изедат од 6-9 порции зеленчук секој ден.
Тврдењата на експертот: нутриционистот Оља Мартинич
Авторот на диетата се задржа во рамките на препораките од СЗО (Светската здравствена организација) за вкупниот износ на јаглените хидрати. Сите слатки јаглени хидрати се заменуваат со мед. Предноста на медот е во тоа што има помал ГИ (гликемиски индекс) од шеќерот, па не го „закиселува организмот“ како шеќерот.
И интегралните производи имаат помал ГИ од рафинираната, а диетата не е монотона и е практична.
Останува отворено прашањето дали диетата е подеднакво успешна ако наместо мед, јадеме иста количина на мармалад од боровинки без шеќер или мармалад од шипка кој не сте го засладиле. Ако не земате многу мали порции, од наведената диета не очекувајте да изгубите од тежината. Четири лажици мед се погодни само за мажи со секојдневна активност. Диетата не треба да се користи доколку имате намалено или зголемено ниво на шеќер во крвта и повисоки нивоа на хормоните на тироидната жлезда.
Мени – Медена диета
Понеделник
– Појадок : Две парчиња пржена сланина и пржени домати
– Ужина : Маслинки
– Ручек : Омлет од три јајца со кромид, пиперки и печурки или голема порција на салата со пилешко
– Ужина : Стапчиња од целер натопена во малку свежо сирење
– Вечера : Скара на жар од лосос со брокула и боранија варена на пареа
– Десерт : Јогурт со мед, посипан со печени семки.
Вторник
– Појадок : Две пржени јајца и парче леб од интегрално брашно
– Ужина : Половина рака семки и јаткасти плодови
– Ручек : Густа супа од леќа и две овесни бисквити
– Ужина : Стапчиња од краставица, моркови и со малку младо сирење
– Вечера : Посно говедско мелено месо со кромид, пиперки и домати, пире од слатки компири (батата) со рендано сирење
– Десерт : Јогурт со мед и зрнести плодови.
Среда
– Појадок : Чаша од житни снегулки (без шеќер) со јогурт и сецкани суви кајсии
– Ручек : Голем мешана салата со варени јајца, туна од конзерва и прелив од мед, една круша и парче сирење
– Ужина : Парче торта со мед
– Вечера : Тепсија со свинско месо, грав и доматно пире, со додаток на зелка варена на пареа
– Десерт : Овошна салата.
Четврток
– Појадок : Две колбасици (од месо или вегетаријански) и домати
– Ручек : Сендвич од пченичен леб со шунка, сирење и салата
– Ужина : Пушен лосос со малку свежо сирење
– Вечера : Пилешки батак без кожа, пржен со кромид, црвена пиперка, зелка, лук и исецкани тиквички
– Десерт : Јогурт со мед и зрнести плодови.
Петок
– Појадок : Чинија со житни снегулки со млеко и една лажица јогурт
– Ужина : Јаболко и торта од ореви и мед
– Ручек : Пржени јајца со зеленчук, салата
– Ужина : Малку младо сирење со краставица
– Вечера : Свинско сечено на ленти, пржени со мешан зеленчук, послужени со – малку интегрални тестенини
– Десерт : со јогурт, посипан со кокосово брашно.
Сабота
– Појадок : Омлет од две јајца со димен лосос, едно парче леб од интегрално брашно
– Ужина : Мал грст ореви
– Ручек : Пилешка супа со интегрални крутони, грст грозје и парче сирење
– Ужина : Мафин од банани и мед
– Вечера : Пилешко со кари, јаболка, кајсии, домати и кокосово млеко, послужени со малку интегрален ориз
– Десерт : Печени праски со мед
Недела
– Појадок : Две бисквити од ориз со малку сирење и шунка
– Ужина : Стапчиња од морков
– Ручек : Омлет со печурки
– Ужина : Маслинки и фета сирење
– Вечера : Ќофтиња во сос од домати, со мала порција интегрални шпагети и голема салата
– Десерт : Банана со јогурт и мед.
