Сите луѓе имаат или висок или низок крвен притисок. Симптомите се разликуваат и според нив дознаваме од кој вид притисок страдаме. Хипертензијата е поопасна за човековото здравје, но тоа не значи дека хипотензија е нормална појава. Затоа информираноста, навремените реакција, здрав начин на живот, редовна физичка активност и многу вода, треба да се во сечија дневна рутина.
Симптоми
Често симптомите на хипертензијата не се видливи и затоа се нарекува „тивок убиец“. Иако неоткриени, тоа може да предизвика оштетување на кардиоваскуларниот систем и внатрешните органи, како што се бубрезите. Редовна проверка на крвниот притисок е од витално значење. Високиот крвен притисок предизвикува потење, анксиозност, проблеми со спиењето и црвенило. Доколку крвниот притисок го достигне нивото на хипертензивна криза, лицето може да доживее тешки главоболки и крварење од носот.
Компликации
Долгорочната хипертензија може да предизвика компликации како атеросклероза, каде што формирањето на плака резултира со стеснување на крвните садови. Ова ја влошува хипертензијата, бидејќи срцето мора да се потруди да ја пренесе крвта во телото.
Атеросклероза поврзана со хипертензија може да доведе до:
срцева слабост и срцеви напади
аневризма во ѕидот на артерија која може да пукне, предизвикувајќи сериозно крварење и во некои случаи, смрт
откажување на бубрезите
удар
ампутација
хипертензивни ретинопатии во окото, што може да доведе до слепило
Редовното тестирање на крвниот притисок може да им помогне на луѓето да ги избегнат потешките компликации.
Исхрана
Некои типови на хипертензија може да се управуваат преку начин на живот и избори во исхраната, како што се физичка активност, намалување на употребата на алкохол и цигари и избегнување на исхрана со високо количество натриум.
Намалување на количината на сол во секојдневната исхрана
Просечното внесување на сол е помеѓу 9 грама (g) и 12 g дневно во повеќето земји низ светот. СЗО препорачува намалување на внесот до 5 g на ден, за да помогне да се намали ризикот од хипертензија и слични здравствени проблеми.
Умерено консумирање алкохол
Умерената до прекумерна употреба на алкохол е поврзана со зголемен крвен притисок и зголемен ризик од мозочен удар. Американската асоцијација за срце препорачува максимум две пијалоци дневно за мажи, а една за жени.
Јадење повеќе овошје и зеленчук и помалку маснотии
Луѓето кои имаат или кои се изложени на ризик од висок крвен притисок треба да јадат колку што е можно помалку заситени масти. Наместо тоа се препорачуваа: храна со висока содржина на влакна, различни видови овошје и зеленчук. грав, мешункасти плодови и ореви, Омега-3 масни киселини (на пример риба два пати неделно), маслиново масло и нискомасни млечни производи. Важно е да се избегнуваат производи од животинско потекло и се што е преработено, умереноста е најдобриот избор за здрав начин на живот.
Управување со телесна тежина
Хипертензијата е тесно поврзана со вишокот на килограми, а намалувањето на телесната тежина нормално е проследено со пад на крвниот притисок. Здрава, урамнотежена исхрана со внес на калории која одговара на големината, полот и нивото на активност на поединецот, ќе ви помогне да го намалите високиот крвен притисок.
DASH диета
Националниот институт за срцева белодробни заболувања во САД (NHLBI) препорачува исхрана DASH за луѓе со висок крвен притисок. DASH, или „Диететски пристапи за запирање на хипертензија„, е специјално дизајниран режим за да им помогне на луѓето да го намалат крвниот притисок.
Тоа е флексибилен и избалансиран план за јадење кој:
го намалува високиот крвен притисок
ги подобрува нивото на масти во крвотокот
го намалува ризикот од развој на кардиоваскуларни болести
Оваа диета се базира на овошје и зеленчук.
Видови крвен притисок
Високиот крвен притисок што не е предизвикан од друга состојба или болест се нарекува примарна или стандардна хипертензија. Ако се јави како резултат на друга состојба, таа се нарекува секундарна хипертензија.
Примарната хипертензија може да биде предизвикана од повеќе фактори, вклучувајќи го волуменот на крвната плазма и активноста на хормоните кои го регулираат обемот и притисокот на крвта. Исто така, големо влијание имаат и факторите на животната средина, како што се стресот и недостатокот на вежбање, недоволната физичка активност.
Секундарната хипертензија има специфични причини затоа што претставува компликација од друг проблем. Таа може да биде предизвикана од: дијабетес, поради проблеми со бубрезите и оштетување на нервите, болест на бубрезите, феохромоцитом, редок рак на надбубрежна жлезда, Кушингов синдром, кој може да биде предизвикан од кортикостероидни лекови, конгенитална адренална хиперплазија, нарушување на надбубрежните жлезди кои секретираат кортизол, хипертироидизам или хиперактивна тироидна жлезда, хиперпаратироидизам, кој влијае на нивоата на калциум и фосфор, бременост, апнеја за спиење. дебелина и хронична болест на бубрезите. Со соодветен третман на оваа состојба, резултатите ќе бидат намалување на високиот крвен притисок.
