Оваа диета има за цел да ја намали предменструалната напнатост, болките во стомакот, генерализираните болки, психичката напнатост и тензија, како и да го подобри расположението на тој начин што го минимизира земањето на шеќер, со цел да се избегне хипогликемијата (нискиот шеќер во крвта), да го минимизира внесот на натриум за да се спречат отоците и задржувањето на течностите во организмот, како и да обезбеди внес на доволно количество витамини и минерали.
Што треба да се пие во мали количини
Богати со шеќер намирници (слатки и газирани пијалоци). Потрошувачката на храна богата со шеќер доведува до пад на нивото на шеќерот во крвта. Емоционалните пречки при предменструалниот синдром се должат на ниското ниво на шеќер во крвта.
Храна богата со сол. – Овој вид храна предизвикува оток и задржување на вода во организмот.
Што треба да конзумирате во поголеми количества
Витамини и минерали … Се смета дека ниското ниво на витамин А, Б6 и Е го провоцира почетокот на предменструалниот синдром. Добри извори на витамин А се свежото млеко, риба, спанаќ, тиква, компири, папаја, манго, кајсии и праски. Богати со витамин Б6 се месото, рибата, јајцата, црниот дроб, бубрезите, сојата, овесот, оревите и кикириките. Витаминот Е се содржи во зеленчукот, живиното месо, рибата и житариците, семкасти плодови, маслинките.
Пример на еднодневна распределба на исхрана
Појадок: половина, но и цела порција на појадок од житарици или мусли со 1-2 лажици пченичен ‘ркулци, или пак сончогледово семе со ниско калорично свежо кравјо млеко или млеко од соја, плодови по избор (папаја, манго, кајсија или праска), 1 шолја чај од тревки.
Ужина: една рака кикирики или ореви, 1 чинија јагоди, природен чај или топла вода со парчиња лимон.
Ручек: 2 парчиња пченкарен леб со 1 средна чинија на варени компири или тиква, 30-60 гр. шунка, свеж лосос или пилешко месо со малку мајонез, салата од зеленчук, 1 банана, 1 шолја природен чај.
Ужина: појадок 4-6 бисквити со авокадо и домати, 1 шолја природен чај.
Вечера: супа од зеленчук, 90-120 гр. пилешко месо со зачини, или 180-240 гр. риба на скара или омлет од 2 јајца и пилешко месо, 1 средно голем стек од компир или 100 грама варен ориз, динстан зеленчук, вклучувајќи спанаќ, 1 чинија овошна салата, 1 шолја природен чај.
