Витаминот Ц, познат уште како „апсорбирачка киселина“, можете да го најдете во најразлични видови храна, но, тоа е многу повеќе од еден обичен витамин. Сите ние при обична настинка посегнуваме по витамин Ц, но често го забораваме. На врвот на листата со здравствени придобивки од витамин Ц, кои се многубројни, се наоѓа колагенот кој помага во разубавување на косата и кожата.
Витаминот Ц сè повеќе се употребува за заштита од висок крвен притисок и превенција на кардиоваскуларни заболувања. Додатните истражувања открија дека овој витамин може да биде корисен за превенција на астма, но и за поддршка на здраво ниво на шеќер во крвта кај дијабетичарите.
Антиоксидативното својство на витаминот Ц помага во превенцијата на катаракта. Леќите имаат потреба од многу витамин Ц за да им се спротивстават на сите слободни радикали. Кога има доволна количина од овој витамин во системот, тогаш многу лесно очите можат да бидат заштитени од оштетување. Астматичарите пак, имаат поголема потреба од витамин Ц поради антиоксидативното својство врз белите дробови.
Како важен фактор при продукцијата на колаген, витаминот Ц е корисен за заздравување на сите видови рани. Почнувајќи од исеченици и гребнатинки, па сè до лекување на скршеници, изгореници, заздравување на хируршки рани – витаминот Ц помага раните да заздрават полесно и побрзо.
Низок внес на витамин Ц може да биде причина за голем број проблеми кои влијаат на растот на косата. Недостатокот на витамин Ц може да резултира со сува, ретка и кршлива коса. Витаминот Ц ги спречува слободните радикали што ја уништуваат косата и го запираат растот, па така со доволно внесување на овој витамин ќе имате густа, здрава и цврста коса.
Препорачана доза
Според некои спроведени истражувања, на возрасен човек му треба најмалку 40мг витамин Ц дневно.
