Гласините дека носењето на градник може да предизвика рак на дојка се околу нас веќе некое време. Но, дали се вистинити?
Скоро секоја припадничка на понежниот пол носи градник, барем во европско – американската културна сфера. Поради тоа, и гласините кои што се појавија дека овој дел од женската облека може да предизвика рак на дојка се загрижувачки. Да видиме дали тоа е навистина точно.
Гласините дека градникот може да предизвика рак на дојка одат отприлика вака: Носењето на градник 12 или повеќе часови го запира лимфниот систем на градите и со тоа се дозволува лачење и натрупување на штетни субстанци во градите, што на крајот доведува до појава на рак на градите.
Дозволете да објасниме дека “чистењето“ на градите на тој начин нема никаков реален ефект на развојот на рак на гради, поради тоа што ракот во реалноста е предизвикан од канцерозни клетки. Сепак, точно е дека градниците кои што се премали или изработени од вештачки материјали ја иритираат кожата и можат да предизвикаат гребаници и воспаленија. Големите гради можат да предизвикаат болки во грбот или вратот, па поради тоа е неопходно да се носи квалитетен градник кој што обезбедува доволна поддршка на градите. Градниците се исто така задолжителни во спортот бидејќи спречуваат неконтролирано движење на градите.
Американското здружение за рак тврди дека градниците не допринесуваат кон развојот на рак на дојка. Но, статистиките покажуваат дека ракот на дојка е застапен во помал процент кај оние жени кои што не носат градник. Тоа не е условено само со носењето или неносењето на градникот, туку и со физичката структура на жените кои што не носат градник. Тие жени обично се слаби и имаат мали гради. Од друга страна пак, жените кои што имаат релативно големи или нормални гради како и оние што имаат зголемена телесна тежина мораат да носат градник за дополнителна поддршка. И поголемата количина на градно ткиво и зголемената телесна тежина се можни фактори за почесто развивање на рак на дојка.
Националниот институт за рак во САД се согласува дека носењето градник не е директно поврзано со развој на рак на дојка. Докажани ризик фактори се гените, консумацијата на алкохол и пушењето, како и нездравиот животен стил и зголемената телесна тежина. Сите овие работи придонесуваат за повисоко ниво на естроген кој што ги зголемува шансите за развивање на рак на дојка.
Ако неносењето на градник може да Ве направи да се чувствувате подобро, тогаш сеуште можете да му кажете збогум.
