Гастритис е термин со кој се означува воспаление на желудникот. Гастритисот најчесто е предизвикан од инфективни микроорганизми како: бактерии, вируси и паразити. Други фактори кои може да предизвикаат гаститис се: повреда, алергии на храна, алкохол, и честа употреба на лекови. Гастритисот може да биде акутен односно да се случи еднаш, или хроничен, кој се јавува повремено.
Иако не постои режим на исхрана кој е препорачлив за луѓе кои имаат гастритис, постојат повеќе различни диети кои може да помогнат во ублажување на симптомите на гастритис и кои може да ја подобрат состојбата.
Симптоми
Сериозноста на гастритисот може да варира од блага до тешка. Поради тоа, симптомите на гастритис може да се разликуваат од човек до човек. Симптоми на гастритис се: гадење, повраќање, пролив, главоболка, треска, висока температура, болки во стомакот, грчеви, замор, губење на апетит, чувство на ситост во горниот дел од стомакот по јадење или варење на храната.
Гастритис диета
Диетата за гастритис вклучува четири фази и става акцент на храната која е лесно сварлива. Треба да се јаде храна која може да ја поднесе стомакот и да се пијат соодветни течности за да не се дехидрира и да се спречи губење на телесната тежина и хранливите материи од телото.
Доколку имате гадење, пролив или губење на апетит, подобро е да јадете помали оброци почесто, отколку три големи оброци во текот на денот. Обидете се да јадете редовно во исти временски интервали во текот на денот и избегнувајте храна која ви предизвикува непријатност. Посебниот режим на исхрана може да му помогне на телото во лекување на слузницата на желудникот, но и да се чувствувате подобро.
Чекор 1
Во текот на првите 24–36 часа, вашата исхрана треба да содржи само чисти течности. Започнете со неколку голтки вода или коцки мраз за да ги исчистите течностите. Чисти течности се: спортски пијалоци, пијалоци добиени од овошје во прав, сокови од лимон, ѓумбир, разреден сок од јаболко, цреша, брусница, сок од грозје, супа, чај без кофеин. Избегнувајте: цитрусни сокови, алкохол, кофеинско и декофеинизирано кафе. Пожелно е често да се внесува течност, најмалку 2 до 3 литри дневно.
Чекор 2
По 24 до 36 часа, симптомите на гадење, повраќање и дијареа најчесто исчезнуваат и можете да започнете со диета која вклучува повеќе различни течности. Оваа диета на течности вклучува: варен крем од пченица, оризова вода, банани, сок од зеленчук, овошен сок и нектар, кафе, газирани пијалаци и шербет. Треба да се избегнуваат млечни производи, бидејќи може да предизвикаат гадење, повраќање, дијареа и абдоминална непријатност.
Чекор 3
Откако стомакот ќе се навикне на секакви течности, тогаш може да се започне со консумирање на мека храна како: тестенини, варен ориз, сув ориз, пире, варени компири, житарки, варена пченка, потпечен леб на тостер без путер или маргарин, бисквити, крекери, варен зеленчук, конзервирано или варено овошје, диња, преработени млечни производи како: јогурт, урда, матеница понатаму печена или варена риба и месо од живина без кожа и маснотии.
Чекор 4
Најчесто симптомите се намалуваат и по следните 24 до 36 часа ќе се чувствувате подобро ако консумирате лесна храна. Од оваа точка може постепено да започнете да се враќате на нормалната исхрана. Процесот на враќање кон нормалната целосна исхрана може да потрае неколку дена додека се адаптира организмот. Првично, може ќе треба да избегнувате одредени видови на храна која го иритира стомакот. Како иритабилна храна може да се смета: зачинета, масна храна, алкохол, ореви, семки, суров зеленчук, нелупено овошје, лути пиперки, чили во прав, кофеин, домати, цимет, лук, каранфилче.
