Обожавателите на готвењето кои сакаат да пробуваат нови состојки, сигурно ќе му се радуваат на овој рецепт – брз, лесен и вкусен. Направете домашен мајонез набрзина.
Состојки :
- 250 мл сончогледово масло
- еден прст сол
- 2 лажици јаболков оцет
- 1 лажичка сенф
- 2 жолчки
- 2 лажички лимонов сок
Подготвување :
Жолчките ставете ги во поголем сад, па потоа додадете две лажички лимонов сок. Потоа додадете сенф, јаболков оцет и сол.
Измешајте ги добро со миксер сите состојки. Намалете ја брзината на миксерот на најслаба и полека долевајте сончогледово масло. Продолжете со мешање, а по потреба додадете уште малку лимонов сок или јаболков оцет. Мешајте додека смесата не стане тврда и мазна. Мајонезот оставете го да се лади во фрижидерот, а потоа послужете го.
