Резултати од истражување во кое учествувале 210 мажи и жени, на средна возраст, покажуваат дека на жените им е потребно повеќе сон во споредба со мажите и дека жените поради недостатокот на сон претрпеле повеќе здравствени проблеми од мажите.
“Откривме дека лошото спиење кај жените е тесно поврзано со високото ниво на психичка болка и поголемо чувство на непријателство, депресија и лутина. Од друга страна, тие чувства не беа поврзани со истиот степен на пореметување на сонот кај мажите“, истакнал Џим Хорн, водечки британски стручњак за истражување за спиењето, кој вели дека една од главните функции на сонот е овозможување на мозокот да се опорави и да се поправи.
Според него, за време на длабокиот сон, кортексот – дел од мозокот кој меѓу другото е одговорен за помнењето, се одвојува од сетилата и на тој начин се опоравува. Колку повеќе го користите мозокот преку ден, потребна ви е поголема количина на сон за опоравување, објаснува д-р Хорн.
Истражувањето покажало дека жените во просек спијат 20 минути повеќе од мажите, но дека нивната потреба за сон е поголема, бидејќи жените во текот на денот се соочуваат со повеќе обврски и го користат мозокот повеќе за разлика од мажите.
