Развијте рутина на спиење
Може изгледа примамливо, но спиењето до пладне во сабота или недела само ќе го наруши вашиот биолошки часовник и ќе предизвика повеќе проблеми со спиењето. Лежејќи во исто време секоја вечер, дури и за време на викендите, празниците и другите денови, помага да се воспостави внатрешен часовник за спиење / будење и да го намалите она вртење и превртување по цела ноќ.
Движете се!
Според една студија возрасни лица кои вежбаат аеробни вежби 4 пати неделно го подобриле квалитетот на спиењето. Кај помрзливите луѓе се појавуваат депресивни симптоми, помала виталност и поспаност во текот на денот. Неколку часа пред спиење, еден добар тренинг и ќе спиете како бебе.
Променете го начинот на исхрана
Храната и пијалоците кои содржат кофеин, како кафе чај, чоколада и слично…консумирајте ги до средина на едно попладне. Исфрлете ја тешката зачинета храна, која може да резултира со тешко варење и мачнини во текот на ноќта.
Откажете се од цигари
Една студија покажа дека пушачите четири пати повеќе се чувствуваат неодморено по спиење за разлика од непушачите. Истражувачите на Медицинскиот факултет во Џонс Хопкинс го припишуваат ова на стимулативниот ефект на никотинот. Пушењето, исто така, предизвикува и проблеми со дишењето, што може да го отежни сонот.
Кажете не на алкохолот
Алкохолот го нарушува моделот на спиење и мозочните бранови кои ви помагаат да се чувствувате освежено наутро. Мартини или виски може ќе ви помогне да си поминете убаво и првично ќе заспиете, но најверојатно ќе се разбудите и тешко ќе успеете да заспиете.
Не го чепкајте телефонот или лаптопот пред спиење
Сите учесници кои користеле електроника како телевизор, компјутер, видео играи или мобилен телефон, во последниот час пред спиење, имаат нарушен сон. Тоа е лоша идеја. Светлината од овие уреди го стимулира мозокот, што го отежнува спиењето. Ставете ги вашите смартфони подалеку од вас и користете ги минимум еден час пред спиење за да заспиете побрзо и помирно.
Одржувајте умерена температура, а не тропска
30 степени се одлични за на плажа, но тоа е лошо за спалната соба во текот на ноќта. Умерена просторија е поповолна за спиење. Кога ќе ја регулирате температурата во собата, ќе ја намалите температурата на телото и тоа ќе ви помогне да заспиете побрзо и подлабоко.
Затемнете ја собата
Светлината му кажува на твојот мозок дека е време да се разбудиш, така што вашата соба треба да биде темна за да спиете. Дури и мала амбиентална светлина од вашиот мобилен телефон или компјутер може да го наруши производството на мелатонин (хормон кој помага во регулирањето на циклусите на спиење) и целокупниот сон.
Користете го креветот само за спиење
Вашиот кревет треба да биде поврзан со спиење, а не со работа, јадење или гледање ТВ. Ако се разбудите во текот на ноќта, прескокнете го лаптопот или телевизорот и направете нешто смирувачко како медитација или читање додека повторно не почувствувате потреба за сон.
Спиењето е прекрасна работа. Ако мислите дека не сте наспани или не уживате во квалитетот на спиењето, овие едноставни прилагодувања можат да придонесат за помирна ноќ.
