Еден од најдобрите и најлесните начини да го започнете денот е топлиот напиток од лимонов сок.
Начин на подготвување и консумирање:
- загрејте една чаша вода до температура која е пријатна за пиење.
- во загреаната вода, додадете една половина или еден цел свежо исцеден лимон (почетниците треба да започнат со помала количина на лимон, додека непцата не се навикнат на киселоста од лимонот).
- испијте го напитокот половина час по станувањето, пред да го јадете појадокот
Корист бр. 1: Го зголемува имунитетот
Како припадник на цитрусната група овошја, лимонот изобилува со природен витамин Ц. Но, дали сте знаеле дека витаминот Ц испарува по 20 минути откако ќе се исцеди цитрусното овошје? Затоа, потребно е напитокот да се консумира веднаш по неговата подготовка.
Корист бр. 2: Ја чисти слузта
Како добро познат астрингент, лимоновиот сок навлегува низ ткивата, раздробуваќи го и чистејќи го мукозот, односно слузта. Ова не само што го подобрува дишењето низ носот, но го намалува и утринското кашлање. Освен за респираторниот тракт, лимоновиот сок е полезен и за дигестијата, бидејќи ја чисти насобраната слуз на зидот на желудникот и цревата, а со тоа го подобрува варењето и ресорпцијата на хранливите материи.
Корист бр. 3: Помага во одржувањето на pH
Доколку киселоста на организмост е поголема од нормалните вредности, се јавува индигестија, главоболки, акутен глад, продукција на слуз и друго. Можеби чудно, но киселото овошје, како што е лимонот, ја намалува киселоста.
Корист бр. 4: Ја намалува задршката на вода во организмот
Лимонот делува како природен диуретик, овозможувајќи исфрлање на водата, која ако е насобрана, може да предизвика отоци, менструално или дигестивно дување и слично.
Корист бр. 5: Намалување на телесната тежина
Многу експерти за здрава храна сметаат дека киселата pH на лимоновиот сок може да помогне при намалувањето на телесната тежина. Овој ефект на лимоновиот сок е како кај оцетот од диви јаболка.
